Bragðgóður og hollur réttur fyrir 4. Með graskeri og Linsubaunum

Fyllta Graskerið

Innihald

• 1stk Grasker
• 4stk Vorlaukur
• 1/2 Kúrbítur grænn eða gulur
• 1 gulrót
•  1/2dl Graskersfræ
• 1/4stk ferskt fennel
• 4-6 litlar kartöflur
• 1tsk Oregano þurrkað annars 2-3 stilkar ferskir
• 1/2 tsk þurrkað chilliduft eða 1 ferskur chilli frá Akri
• 1 lauf hvítlauku, kreistur
• 2 msk olía

Graskerið er skorið í 4 parta og fræhreinsað, hýðið getur verið á. Setjið Graskerið síðan til hliðar.

Vorlaukurinn, kúrbíturinn, Gulrótin, kartöflurnar eru skornar í litla bita og hvítlaukurinn er kreistur og öllu er síðan blandað saman ásamt kryddinu og olíuni.

Setjið síðan fyllinguna í Graskershólfin. 

Linsubauna Botn

Innihald

• 2dl rauðar Linsubaunir
• 3dl vatn
• pipar og jurtasalt
• 2 tómata, sneiddir
• 2tsk Basil
• 1/2 búnt Steinselja
• 100gr ostur

Linsubaunirnar eru settar í botnin á ofnformi. Vatninu helt yfir og kryddinu blandað við. Settu núna tómatana yfir linsurnar og síðan basil yfir þá. 

Legðu núna Graskerið ofan á linsubaunirnar og stráðu ostinum yfir, skreyttu með steinseljun.

Bakaðu í ofni á 150-160gr í 40mín.

Borið fram með lífrænum brúnum hrísgrjónum og sýrðum gulrótum frá akri eða öðru salati.
Einnig er gott að blanda 1-2 tsk af chilli mauki saman við lífræna hreina jógúrt eða gríska jógúrt.

Njótið og verði ykkur að góðu.